Kashmakash

Tareekhein badalte dekh rhi hun,

Chatt wahi hai bistar wahi

Ek ek pal beet rha hai 

Khwahishein kayi, nazaara wahi

Mutthi se ret nikalti ja rhi hai..

Darr hai mutthi kholi to zindagi na nikal jaye

Fir mann kehta hai khol do mutthi.. 

kya pata zindagi savar jaye 

Zamaane ke sikhaye asool bhool jaane ko jee chahta hai

Par fir har ek chehra mujhe ghoorta nazar aata hai

Apni banayi zanjeerein hain shayad 

Nahi to todna itna mushkil na hota...

Umeed ki kiran nikli hi thi 

Ki duniyadari ke saleekon ne fir se jakad liya…

Khwaab dekh paon zameen se uthne hi lage the

Ki sahi galat ki kashmakash ne fir se pakad liya